BLOGG / greinar

Mig langaði til þess að taka saman nokkrar fallegar hugmyndir að páskaskrauti þar sem páskarnir eru á næsta leiti. Ég fæ mikinn innblástur af Instagram og ætla að deila með ykkur einhverjum myndum þaðan. Það sem er mest áberandi þessa dagana eru fallegar greinar t.d. með fjaðrablómum og hangandi eggjum eða öðru fallegu skrauti. Þú getur verslað fjaðrablóm og gervigreinar í vefverslun okkar hér. Við erum svo með þurrkaðar tröllagreinar og strá til sölu í sýningarrýminu okkar í Ármúla 19.

Fjaðrablómin sett á á greinar og falleg egg með, kemur svo fallega út.
Mynd @inspirationbyzandra

Sniðugt að tæma egg og mála þau í fallegum litum.
Mynd @jennyli88

Kemur mjög skemmtilega út að setja doppóttu fjaðrablómin á magnoliu grein.
Mynd @myhilltop

Fölbleik fjaðrablóm og fallegar tröllagreinar. Tröllagreinarnar getur þú keypt hjá okkur í Ármúla 19. Fjaðrablómin sjálf fást bæði í vefverslun og í sýningarrýminu okkar í Ármúla 19.
Mynd @annashem_

Ég blandaði saman fölbleiku og brúnu fjaðrablómunum ásamt gler eggjum sem eru með smá steinum. Kemur skemmtilega út. Myndir úr sýningarrýminu okkar í Ármúla 19.

Við erum líka með þurrkuð strá og loðstrá í fallegum litum til sölu í sýningarrýminu okkar í Ármúla 19. Tilvalin til að skreyta með.

Tröllagreinar, fölbleik fjaðrablóm og egg.
Mynd @myhilltop

Gulu dúnkenndu fjaðrablómin, páskaleg og fín.
Mynd @lindanilsson76

Hér eru fölbleiku gervi fjaðrirnar og yrjóttu fjaðrablómin sett á gervigrein. Kemur virkilega fallega út. Myndir @myhomecolletion.se

Vona að þið hafið fengið einhverjar skemmtilegar hugmyndir með þessari færslu. 
Þið eruð svo velkomin í heimsókn í dag í Ármúla 19 að skoða fjaðrablómin og annað skraut. Afgreiðslutíma getið þið séð hér.

Endilega fylgist svo með @purkhus á Instagram!

Gleðilega páska.

-Sara Björk