Frí heimsending ef verslað er fyrir 10.000 kr. eða meira

Nýtt vörumerki í vefverslun Purkhús - ByOlafsdóttir

Í lok síðustu viku kom fyrsta sending af fallegu veggspjöldunum frá ByOlafsdóttir.

Um er að ræða færeyska hönnun. Allar myndirnar eru teknar og unnar af Harriet Olafsdóttir. Það er skemmtileg saga á bakvið hverja mynd en kindurnar búa allar í Æðuvík í Færeyjum með Harriet og fjölskyldu. 

Veggspjöldin eru prentuð í Færeyjum á fallegan og vandaðan pappír og afhendast í fallegum pappahólkum og því tilvalin tækifærisgjöf við hin ýmsu tilefni.

Mig langaði til þess að segja ykkur sögurnar á bakvið þessi fallegu dýr.

Bambi

Bambi er blind kind sem býr á litla bænum Æðuvík í Færeyjum. Hún fannst í skurði öll útí mold og varla með lífsmarki. Nú nýtur hún lífsins sem gæludýr fjölskyldunnar á Æðuvík. Bambi eltir hljóð og hefur búið til sínar eigin gönguleiðir nálægt heimilinu.

Bambi fæst í tveimur stærðum:
30x40 cm
50x70 cm

Olaf

Olaf er lamb sem býr í Æðuvík í Færeyjum. Upprunalega er hann frá Ambadali í Gjógv en móðir hans vildi hann ekki og skildi hann eftir til að deyja. Sem betur fer var bóndinn nálægt og fann litla lambið. Hann tók það með sér heim í bakpoka sínum og hugsaði um það þar til það gat farið á nýtt heimili. Olaf fann svo nýtt heimili í Æðuvík hjá Harriet Olafsdóttir og fjölskyldu. Olaf elskar lífið í Æðuvík. Hann elskar að elta hænurnar og borða blómin.

Olaf er fullkomið veggspjald í barnaherbergið eða hvar sem er á heimilinu.
Stærð veggspjaldsins er A4.

Bastian



Bastian er feiminn og vinalegur hrútur sem býr á litla bænum Æðuvík í Færeyjum. 

Það er nokkuð fyndin saga sem fylgir Bastian, en hann þótti aldrei föngulegasti folinn í hópnum og var því haldið baka til. Hann komst þó á stjá óséður og ákvað að skemmta sér aðeins með kindunum. Í stuttu máli, þá komu um 30 afkvæmi útúr þessu fjöri hjá Bastian. Það voru svo gerðar blóðprufur til að kanna ástand Bastian og kom í ljós að hann er í raun föngulegasti hrúturinn á öllu svæðinu!

Blómakórónan er sérstaklega búin til og hönnuð fyrir Bastian úr blómum sem passa vel við fallega hvíta lopann hans. Bastian fannst ekki leiðinlegt að sitja fyrir í myndatökunni og fékk að verðlaunum fullt af kindanammi.

Stærð veggspjaldsins er 30x40 cm.

Þið getið skoðað öll veggspjöldin nánar hér.

Bestu kveðjur,
Sara Björk


Ummæli